Ngarang Cerkak

NGARANG CERKAK

Crita cekak mujudake crita gancaran kang duwe titikan mangkene:

a.    Isine ngandharake sawijining lelakon utawa kadadeyan

b.    Ana paraga utamane lan paraga tambahan

c.    Nggambarake kedadeyan kang ana ing masarakat

d.    Ngemot pitutur, piwulang utawa pasemon

Nulis utawa ngarang crita cekak kuwi ora nganggo pathokan lan

paugeran sing gumathok. Sing baku ana critane lan paragane.

Dene susunane crita cekak (cerkak) kaperang dadi mangkene:

a.    Tetepungan

Nggambarake swasana utawa kahanan paraga

b.    Masalah

Nggambarake masalah sing diadhepi dening paraga

c.    Cara ngluwari masalah

Nggambarake kepriye carane paraga uwal saka masalah

d.    Panutup utawa pungkasaning crita

Nggambarake pungkasane crita

Dene bebakalaning crita cekak yaiku:

a.    Tema

Yaiku sing dadi underane crita, upamane: kadurjanan, pendidikan, kabudayan, kasarasan, lsp.

b.    Paraga

Yaiku paraga/pelaku sing melu mbangun crita. Kaperang ana paraga pokok (tokoh utama) lan paraga Bantu (tokoh pembantu)

c.    Watak

Gegambarane wewatekane tokoh, wateke becik (protagonist) apa wewatekane ala lan tansah ngreridhu paraga pokok (antagonis)

d.    Setting

Yaiku papan kedadeyane crita lan wektune

e.    Alur/plot

Yaiku bakune crita wiwit saka lekas nganti pungkasan (perkenalan, konflik, penyelesaian)