Assalamu’alaikum Warahmatullahi
Wabarokatuh
Alhamdulillahi robbil alamin wabihi
nasta’inu ala umuriddunya waddin, wa ala alihi wa shohbihi ajmain.
Ingkang kinurmatan, Bapak Kepala MAN
Babat, bapak Drs. Abd. Hakim
Bapak Ibu Guru saha staff tata usaha ingkang kula hormati ugi,
sarta kanca-kanca sedaya ingkang kula
tresnani.
Puji
syukur sumangga kula panjenengan sedaya unjukaken dhumateng Gusti Allah Swt.
Ingkang sampun paring pinten-pinten kanikmatan saha hidayahipun, katitik ing
wekdal punika kula panjenengan sedaya saged kempal ing adicara menika.
Sholawat saha salam,
mugi konjuk dhumateng penjenenganipun Nabi Agung Muhammad SAW, ingkang tansah
kula panjenengan sedaya antu-antu syafa’atipun
benjing wonten ing yaumul qiyamah.
Bapak/ibu guru ingkang kula hormati saha murid-murid sedaya ingkang kula tresnani. Wonten ngriki kula badhe ngandaraken babagan
Pengetan Dinten Pendhidhikan.
Dinten Pendhihdikan Nasional menika dinten kagem mengeti jasanipun pahlawan pendhidhik kula panjenengan sedaya inggih menika Ki Hajar Dewantara. Kanthi
semboyan “Ing ngarsa sung tuladha, ing madya mangun karsa” ki Hajar Dewantara,
saged ngupayakaken pendhidhikan kagem masarakat Indonesia supados Indonesia
saged nggadhahi masarakat ingkang pinter.
Ing zaman samenika pendhidhikan sampun
diraosaken kaliyan sedaya tiyang, nanging inggih taksih wonten tiyang ingkang
nganggep pendhidhikan menika awis
sanget.
Nanging
sejatosipun pendhidhikan menika kedhah dipungadhahi kaliyan sedaya menungsa
ing alam donya menika. Kanthi pendhidhikan kula penjenengan sedaya saged dados tiyang ingkang
pinter lan dikurmati kaliyan
tiyang lintu.
Mula ing dinten menika lan salajengipun,
kanthi pendhidhikan ingkang wonten ing jiwa kula penjenengan
sedaya sumangga kula panjenengan sedaya dadosaken bangsa Indonesia menika dados
bangsa ingkang rakyatipun gadhahi moral ingkang sae. Lan kagem sedaya
murid-murid kedhah sinau, supados saged dados tiyang ingkang pinter, nggadhahi
ilmu ingkang kathah ugi dados panerus bangsa.
Para rawuh ingkang kula hormati, mekaten
ingkang saged kula aturaken. Menawi wonten lepatipun kula nyuwun agunging
pangatsami.
Wassalamualaikum
wr.wb.
